وزیراعلی پنجاب عثمان بزدار نے کہا ہے کہ کورونا کا پھیلاؤ کم کرنے کیلئے عوام کا بھرپور تعاون بے حد ضروری ہے۔ کورونا سے زیادہ  متاثرہ علاقوں کو سیل کر دیا گیا۔

وزیراعلیٰ پنجاب عثمان بزدار سے مختلف اضلاع کے اراکین صوبائی اسمبلی نے ملاقات کی۔

اس موقع پر گفتگو کرتے ہوئے وزیر اعلی نے کہا کہ ماسک اور سماجی فاصلہ اپنانے سے کورونا سے بچاؤ ممکن ہوگا۔ عوام ماسک پہنیں اور سماجی فاصلے کی پابندی کو اپنا شعار بنائیں۔

عثمان بزدار نے کہا کہ پنجاب میں کورونا کے مکمل خاتمے تک وہ چین سے نہیں بیٹھیں گے۔ کورونا کے ساتھ احتیاطی تدابیر اپنا کر معمولات زندگی سرانجام دیئے جاسکتے ہیں۔

عثمان بزدار کاکہنا تھا کہ کورونا پر قابو پانے  کیلئے ہر فرد کو بھرپور کردار ادا کرنا ہوگا۔ وزیراعلیٰ پنجاب کا کہنا تھا کہ حکومتی اقدامات کا مقصد عوام کی حفاظت ہے۔